一直以嚟都有争论，就係家庭主妇係咪「笋工」？在职女性就会羡慕主妇，觉得佢哋长期喺屋企，唔使返工点都无咁大压力；相反主妇们就会话自己做家务、凑仔比返工仲攰仲辛苦。真係可以公说公有理，婆说婆有理；都好难决定边个啱；不过原来有研究显示，原来主妇係会有记忆力衰退问题！

美国UCLA研究咗6,300位60至70岁嘅女性，发现记忆力衰退比较快嘅女性，大部分都係主妇；主妇嘅记忆力衰退速度快过工作女性61%！研究指出，女性返工明显会令头脑保持灵活，同时可以令到记忆力减慢衰退，而且工作得愈长岁月嘅女性，记忆力就会持续保持健康。明显，成个研究就係话主妇用脑唔够工作女性多，所以记忆力都会因此衰退，对于各位主妇，一定要时刻保持脑部运作，可以迫自己做多啲脑部训练；睇多啲推理小说、电视电影等都係唔错嘅方法。各位师奶们，平时係咪发现成日唔记得嘢，好大头虾？如果係，请你哋小心注意喇。